بەپێی هەواڵی کوردپرێس ڕۆژی چوارشەمە 2ی گەلاوێژ بەرانبەر بە 24ی تەمووزی 2019 محەمەد جەواد زەریف وڵاتی بەریتانیای کردە بەردەنگ و ڕایگەیاند: باشتر وایە بەریتانیا ئاگای لە خۆی بێت و نەکەوێتە خزمەتی جێبەجێ کردنی پڕۆژەکانی تیمی Bی ئەمریکا.

وتەکانی وەزیری دەرەوی ئێران پاش ئەوە هات کە بۆریس جانس بە فەرمی لە مەلەکەی بەریتانیا ڕاسپاردەی وەرگرت و بوو بە سەرۆکوەزیرانی بەریتانیا لە حیزبی پارێزگارەکان ئەوەش پاش دەست­لەکارکێشانەوەی ترێزا مەی.

زەریف ئەو وتەیەی لە میانی سەردانێکی بۆ نیکاراگۆیەی ئەمریکای باشوور درکاند و گوتیشی: "ئێمە 150 مایل سنووری کناراومان لە کەنداوی فارس هەیە و بەرپرسیارین لە کەشتیڕانیی ئارام و ئازاد لەو ناوچەیە. ئەوەش بۆ هەمیشە.

شایانی باسە پاش ئەوەی بەریتانیا کەشتییێکی ئێرانیی لە گەرووی جەبەل تاریق گرت، ئێرانیش لە گەرووی هورموز بە هۆی سەرپێچی کردنی کەشتییێکی بەریتانی لە پەیڕەوی دەولیی نێو ئاوەکان دەستی بەسەر ئەو کەشتییەدا گرت.