کوردپرێس:
ڕۆژی سێشه‌ممه 23ی ته‌مووزی 2019 شاندێکی کونسووڵخانه‌ی تورکیا به سه‌رۆکایه‌تیی هاکان کاره‌چای کونسووڵی تورکیا له هه‌رێمی کوردستان سه‌ردانی فه‌رمانگه‌ى په‌یوه‌ندییه‌کانى ده‌ره‌وه‌ی هه‌رێمی کوردستانیان کرد و به‌بۆنه‌ی ده‌ستبه‌کاربوونی له پۆسته نوێکه‌ی پیرۆزباییان له سه‌فین دزه‌یی کرد.
له کۆبوونه‌وه‌که‌دا به‌رپرسی په‌یوه‌ندییه‌کانی ده‌ره‌وه‌ی حکوومه‌تی هه‌رێمی کوردستان تیشکی خسته سه‌ر دوایین پێشهاته سیاسییه‌کان و ''پڕۆسه‌ی ده‌ستگیرکردنى ئه‌و گرووپه تیرۆریستییه‌ی که دیپلۆماتکارێکى تورکیا و دوو هاونیشتمانی هه‌رێمى کوردستانیان تیرۆر کرد''.
هه‌روه‌ها هاکان کاره‌چای پیرۆزبایى له سه‌فین دزه‌یى به‌رپرسى په‌یوه‌ندییه‌کانی ده‌ره‌وه‌ى حکوومه‌ت کرد به بۆنه‌ى ده‌ستبه‌کاربوونى و هیواى سه‌رکه‌وتنى بۆ خواست و ڕای‌گه‌یاند: "ده‌ستخۆشى له ده‌زگاکانى ئاسایشى هه‌رێمى کوردستان ده‌که‌م که توانییان تیرۆریستان ده‌ستگیر بکه‌ن".
شایانی باسه؛ له کۆبوونه‌وه‌که‌دا هه‌ردوولا جه‌ختیان له به‌رده‌وامبوون و په‌ره‌پێدانی په‌یوه‌ندییه دووقۆڵییه‌کانى نێوانیان کرده‌وه.
سه‌رچاوه: ڕووداو
کۆدی هه‌واڵنێر: 60103
Your Comment