بەپێی هەواڵی کوردپرێس، ناوی ساڵح موسلیم لەسەر داوای تورکیا خرابووە نێو لیستە، ئەوەش دوای ئەوەی تورکیا موسلیمی بە پاڵپشتی کردنی هێرشەکەی ساڵی 2016 بۆ سەر گوڤەنپارک لە ئەنقەرە تۆمەتبارکردبوو.

لەدوای تەقینەوەکە تورکیا لیستێکی ناوی بەرپرسانی پەکەکە و پەیەدەی بۆ دۆزینەوە و بەدواداگەڕان رادەستی ئینتەرپوڵ کرد، رێکخراوەکە لەسەرەتا داواکەی تورکیای قبووڵ کرد و ناوی ئەو کەسانەی خستنە نێو لیستی سوور، کە لەنێو ناوەکاندا ساڵح موسلیم و چەند بەرپرسێکی پەکەکە هەبوون.

بەدەر لە ناوی ئەو 144 کەسە، هاوکات تورکیا ئەو کاتە داوای لە ئینتەرپوڵ کرد ناوی 352 کەسی دیکەش بخاتە نێو لیستی سوورەوە، بەڵام رێکخراوەکە داواکەی تورکیای رەتکردەوە و بڕیاری سڕینەوەی ئەو 144 کەسەشی لە لیستەکە داوە.

کۆدی هەواڵنێر: 60113