کوردپرێس:

ئیخڵاس دلێمی ئه‌ندامی لیژنه‌ی دارایی له ‌ئه‌نجومه‌نی نوێنه‌ران به ‌SNNی ڕاگه‌یاند: "له‌ ماوه‌ی 20 ڕۆژی داهاتوودا وه‌فدێكی باڵای حكوومه‌تی عیراق كه‌ له ‌وه‌زیری وه‌زاره‌ته‌ گرنگه‌كان پێكدێت سه‌ردانی هه‌ولێر ده‌كات و له‌گه‌ڵ به‌رپرسانی باڵای هه‌رێم كۆ ده‌بنه‌وه‌ به‌ مه‌به‌ستی تاوتوێ كردنی كێشه‌ی نه‌وت و شایسته‌داراییه‌كانی هه‌رێم".

ناوبراو وتیشی: "له ‌دوای ئه‌و سه‌ردانه‌، حكوومه‌تی هه‌رێم و به‌غدا میكانیزمی چاره‌سه‌ركردنی كێشه‌كانیان دیاری ده‌كه‌ن و به‌زوویی یه‌كلایی ده‌كه‌نه‌وه‌".

ئه‌و په‌رله‌مانتاره‌ی پارتی زیادی کرد: "له‌ پێش ئاماده‌كردنی بودجه‌ی ساڵی 2020 كێشه‌ی نه‌وت له ‌نێوان هه‌رێم و به‌غدا چاره‌سه‌ر ده‌كرێت".

ئیخڵاس دلێمی ئاشكراشی كرد: "عێراق و هه‌رێم نایانه‌وێت جارێكی دیكه‌ پرسی نه‌وت و بودجه‌ به ‌بێ چاره‌سه‌ر بمێنێته‌وه ‌و ببێته‌وه‌ به‌ كێشه‌یێكی سیاسی و ئه‌زموونی ڕابردوو دووباره‌ بكه‌نه‌وه‌".

کۆدی هه‌واڵنێر: 60103