کوردپرێس:
محه‌مه‌د عه‌لی حه‌کیم وه‌زیری ده‌ره‌وه‌ی عێراق په‌یوه‌ندییێکی ته‌له‌فۆنی له‌گه‌ڵ مه‌سروور بارزانی سه‌رۆک وه‌زیرانی هه‌رێمی کوردستان ئه‌نجام دا.
له‌و په‌یوه‌ندییه ته‌له‌فۆنییه‌دا محه‌مه‌د عه‌لی حه‌كیم هیوای سه‌ركه‌وتنی بۆ سه‌رۆكی حكوومه‌تی هه‌رێمی كوردستان و كابینه‌كه‌ی خواست.
له به‌شێكی دیكه‌ی په‌یوه‌ندییه‌كه‌یدا وه‌زیری ده‌ره‌وه‌ی عێراق هیوای خواست پێكهێنانی حكوومه‌ت ببێته سه‌ره‌تایێكی پڕ خێر و خۆشی بۆ گه‌شه‌سه‌ندن و پێشكه‌وتنی زیاتری هه‌رێمی كوردستان و عێراق.
شایانی باسه؛ ڕۆژی چوارشه‌ممه‌ی ڕابردوو 10-07-2019 په‌رله‌مانی کوردستان متمانه‌ی به کابینه‌ی نۆیه‌می حکوومه‌تی هه‌رێمی کوردستان به سه‌رۆکایه‌تیی مه‌سروور بارزانی به‌خشی و یه‌کێک له کارنامه‌کانی کابینه‌ی نوێش باشترکردنی په‌یوه‌ندییه‌کانی نێوان هه‌ولێر و به‌غدایه.
سه‌رچاوه: K24
کۆدی هه‌واڵنێر: 60103
Your Comment