ڕۆژی هەینی 12ی تەمووزی 2019 گەورەترین کۆنسێرتی هونەرمەند عەدنان کەریم لە هۆڵی سەعد عەبدوڵڵای شاری هەولێر بەڕێوە چوو.

کۆنسێرتەکە کاژێر 07:00ـی ئێوارە بەڕێوە چوو، گرووپی میوزیکی مەحوی کاری میوزیکی بۆ کرد و تێیدا هونەرمەند چەند گۆرانییێکی نوێی پێشکەش بە هەوادارانی کرد.

عەدنان کەریم لەبارەی کۆنسێرتەکەیەوە بە تۆڕی میدیایی رووداوی راگەیاند، بەدەر لەو کۆنسێرتەی هەولێر، ئەگەر پاڵپشتییان بکرێت بڕیاری داوە لەگەڵ گرووپی میوزیکی مەحوی لە هەموو شارەکانی کوردستان ساز بکات.