بەپێی هەواڵی کوردپرێس، ماڵپەڕی فەرمیی هێزەکانی سووریای دیموکرات (SDF) بڵاوی کردەوە: مایکڵ کوریلا فه‌رمانده‌ى فه‌رمانده‌یی ئه‌مریکا له ڕۆژهه‌ڵاتى ناوەڕاست سه‌ردانى کوردستانى سووریای کرد و له‌گه‌ڵ مه‌زڵوم عه‌بدى فه‌رمانده‌ی گشتیى هێزه‌کانى سووریاى دیموکرات (هه‌سه‌ده) کۆبوونه‌وه‌یه‌کى ئه‌نجام داوه.
فه‌رمانده باڵاکه‌ى ئه‌مریکا به مەزڵوم کۆبانێی وتووه: "دڵنیایی ته‌واوتان پێده‌ده‌ین ڕێگه به‌هیچ ئۆپه‌راسیۆنێک ناده‌ین له‌دژى هه‌سه‌ده و کوردستانی سووریا و ده‌بێت ئۆپه‌راسیۆنه‌کان له دژى چه‌کدارانى داعش به‌رده‌وامییان هه‌بێت".
سه‌ردانى فه‌رمانده باڵاکه‌ى ئه‌مریکا له کاتێکدایه، دوێنێ فه‌رمانده‌ى هێزه‌کانى سوپاى ڕووسیا له سووریاو سه‌رۆک ئه‌رکانى سوپاى سووریاش گه‌یشتنه قامیشلۆ و له‌گه‌ڵ فه‌رمانده‌یى هه‌سه‌ده کۆبوونه‌وه.
Your Comment