مه‌نسوور مورادی نوێنه‌ری خه‌ڵکی مه‌ریوان و سه‌وڵاوا له په‌رله‌مانی ئێران سه‌باره‌ت به دوایین هه‌واڵه‌کان ده‌رباره‌ی لێکۆڵینه‌وه له پارێزگاریی کوردستان ڕای‌گه‌یاند: مانگێک ده‌رفه‌تمان به پارێزگاری کوردستان دابوو که سه‌باره‌ت به لێکۆڵینه‌وه‌ی ئیداره‌ی پارێزگا هه‌ندێک زانیاریی بخاته به‌رده‌ستمان به‌ڵام تاکوو ئێستا هیچ هه‌نگاوێکی له‌وباره‌یه‌وه هه‌ڵنه‌گرتووه.
ناوبراو گوتیشی: ئێستاکه دوو هه‌فته‌یه که په‌رله‌مان له پشوودایه و بڕیاره پاش پشووه‌کانی په‌رله‌مان سه‌رۆکی کۆمیسیۆنی شۆراکانی په‌رله‌مان بابه‌تی لێکۆڵینه‌وه‌ی پارێزگاریی کوردستان بخاته ده‌ستووری کاره‌وه.
مورادی زیادیشی کرد: ئه‌گه‌ر بابه‌تی لێکۆڵینه‌وه‌ی پارێزگاریی کوردستان بخرێته ده‌ستووری کاره‌وه ئه‌وا میدیاکان له‌و بابه‌تانه ئاگادار ده‌که‌ینه‌وه که پێویسته بڵاو بکرێنه‌وه.
کۆدی هه‌واڵنێر: 60103
Your Comment