کوردپرێس: به‌پێی ئه‌و زانیارییانه‌ی كه‌ له‌ نوێنه‌رایه‌تیی هه‌میشه‌یی توركیا له‌ نووسینگەی نه‌ته‌وه‌ یه‌كگرتووه‌كان لە شاری جنێڤ ده‌ستكه‌وتوون، نوێنه‌رایه‌تییه‌كه‌ به‌ شێوه‌ی زاره‌كی كاردانه‌وه‌ی توركیای گه‌یاندووه‌ته‌ بریكاری به‌ڕێوه‌به‌ری گشتیی نووسینگەی نه‌ته‌وه‌ یه‌كگرتووه‌كان لە شاری جنێڤ سه‌باره‌ت به‌ واژووكردنی "پلانی كار"ه‌كه‌.

نوێنه‌رایه‌تی هه‌میشه‌یی ده‌ستبه‌جێ له‌دوای سه‌ركۆنه‌كردنه‌ زاره‌كییه‌كه‌، دوو یاداشتنامه‌ی ناڕه‌زایه‌تی رادەستی هه‌ریه‌ک له‌ نووسینگەی نه‌ته‌وه‌ یه‌كگرتووه‌كان لە شاری جنێڤ و كاربه‌ده‌ستانی سویسرا کردووە.

نوێنه‌رایه‌تیی توركیا له‌ هه‌ردوو یاداشتنامه‌كه‌دا ئه‌و دۆكیومێنته‌ی هاوپێچ كردووه‌ كه‌ تایبه‌ته‌ به‌ داواكراوبوونی فه‌رهاد عه‌بدی شاهین به‌ بوڵته‌نی سوور له‌ لایه‌ن ئینته‌رپۆله‌وه‌.

ئه‌مه‌ جگه‌ له‌وه‌ی نوێنه‌رایه‌تییه‌كه‌ په‌یوه‌ندیی به‌ نووسینگەی نوێنه‌ری تایبه‌تیی نه‌ته‌وه‌ یه‌كگرتووه‌كان بۆ سووریا، گێر پێدرسن كردووه‌ و سه‌باره‌ت به‌ ئاگاداربوونیان له‌ واژووكردنی "پلانی كار"ه‌كه‌ پرسیاری لێكردوون. له‌ وه‌ڵامدا كاربه‌ده‌ستانی نووسینگەکە ئاماژه‌یان به‌وه‌كردووه‌ زانیارییان سه‌باره‌ت به‌و رێوره‌سمه‌ نه‌بووه‌.

سەرچاوە: ئانادۆڵۆ

کۆدی هەواڵنێر: 60113