بەپێی هەواڵی کوردپرێس، میشێل باشیلیت، نێرده‌ی نه‌ته‌وه یه‌كگرتووه‌كان بۆ مافه‌كانی مرۆڤ ئاماژه‌ی به‌وه‌كردووه، ئه‌وانه‌یان گومانلێكراو نه‌بن و ده‌ستگیركرابن مایه‌ی قه‌بووڵ كردن نییه و پێویسته ره‌وانه‌ی دادگای دادپه‌روه‌ر بكرێن یان ئازاد بكرێن.
ئه‌و به‌رپرسه‌ی نه‌ته‌وه یه‌كگرتووه‌كان ده‌ڵێت: "پێویسته ئه‌ندامانی خێزانه بیانییه‌كانی داعش كه له عێراق و سووریا ده‌ستگیركراوون و هێشتا دادگایی نه‌كراوون، وڵاته‌كانی خۆیان به‌رپرسیارێتی هاووڵاتییه‌كانیان بگرنه ئه‌ستۆ".
هه‌روه‌ها ده‌ڵێت: "پێویسته وڵاتان به‌رپرسیارێتی هاووڵاتییه‌كانیان له ئه‌ستۆی خۆیان بگرن، پێویسته نه‌بنه هۆی ئه‌وه‌ی منداڵانی چه‌كداره‌كانی داعش له وڵاتینامه بێبه‌ش بكرێن كه به‌هۆی باوكیانه‌وه نه‌هامه‌تی زۆریان چه‌شتووه".
قسه‌كانی ئه‌و به‌رپرسه‌ی نه‌ته‌وه یه‌كگرتووه‌كان له كاتێكدایه، له وڵاتانی ئه‌ورووپی مشتومڕ هه‌یه له‌سه‌ر خێزانه گه‌ڕاوه‌كانی داعش بۆ وڵاته‌كانی خۆیان.
له رابردووشدا عێراق ژماره‌یێک منداڵی چه‌كدارانی داعشی داوه‌ته‌وه به چه‌ند وڵاتێک، له‌وانه رووسیا. هه‌روه‌ها هێزه كوردییه‌كانی سووریا ژماره‌یێک منداڵی چه‌كدارانی داعشی ناو خێوه‌تگاكانی باكووری رۆژهه‌ڵاتی وڵاته‌كه‌یان راده‌ستی چه‌ندین وڵات كردووه‌ته‌وه. له نێویاندا ئوسترالیا و به‌لجیكا هه‌یه.
کۆدی هەواڵنێر: 60113
Your Comment