بەپێی هەواڵی کوردپرێس، لە كۆبوونەوەكەدا سكرتێری پارتی دیموكراتی كوردستانی سووریا كورتەیێكی لە بارودۆخی سیاسیی سووریا و رەوشی هاووڵاتیانی كورد لەو وڵاتە و دوایین گۆڕانكارییەكان خستەڕوو و سیاسەت و بەشێک لە كار و چالاكییە سیاسییەكانی حزبەكەیانی بۆ مەسعوود بارزانی شیكردەوە.
بەگوێرەی ڕاپۆرتی کوردستان24 لە کۆبوونەوەکەدا سكرتێری پارتی دیموکراتی کوردستانی سووریا سوپاسی مەسعوود بارزانیی كردووە، كە هەر لە سەرەتای دەستپێكردنی قەیرانی سووریا و هاتنی داعش و كێشەكانی ترەوە، هەردەم پاڵپشتیان بووە.
هەر لەو كۆبوونەوەیەدا مەسعوود بارزانی وتەیێكی بۆ ئامادەبووان پێشكەش كرد و رۆشنایی خستە سەر بارودۆخی سیاسیی لەسەر ئاستی ناوچەیی و نێودەوڵەتی و وێڕای دەربڕینی نیگەرانییەكانی لەمەڕ ئاییندەی كورد لە سووریا، ئامۆژگاری و رێنوێنیی پێویستی خستەڕوو.
هەروەها بارزانی سوپاسی خۆڕاگریی هاووڵاتیانی كورد لە سووریای كرد و داوایشی كرد كە هەمیشە بە ئومێد و ئیرادەیێكی بەهێز بمێننەوە.
کۆدی هەواڵنێر: 60113
Your Comment