به‌پێی هه‌واڵی کوردپرێس، ڕه‌جه‌ب ته‌ییب ئه‌ردۆغان سه‌رۆک کۆماری تورکیا له لێدوانێکدا ئاماژه به ئه‌حمه‌د کایا گۆرانیبێژی به‌ناوبانگی کوردی تورکیا کرد و گوتی: له کاتێکدا دایکم کۆچی دوایی کرد جیهانێکی زۆر جیاوازم ده‌ست پێکرد. ماوه‌یێکی زۆره که گوێبیستی گۆرانیی "شه‌فه‌ق"ی ئه‌حمه‌د کایام و حه‌ز به‌و گۆڕانییه ده‌که‌م. هه‌رگیز ناکرێت پیلان و خه‌یانه‌تێک که له هۆتێل دژی ئه‌حمه‌د کایا ئه‌نجام درا له‌بیر بکه‌ینه‌وه. له‌جیاتی ئه‌وه‌ی پێشوازی له هونه‌رمه‌نده‌که‌یان بکه‌ن له وڵات ده‌ریانکرد و بۆ ئه‌م کاره‌ش هه‌موو هه‌وڵ و توانایان خسته‌گه‌ڕ. چ بوو؟ ئه‌حمه‌د کایا له‌جیاتی ئه‌وه‌ی له وڵاته‌که‌یدا بژیت له غوربه‌ت و تاراوگه‌دا ژیانی به سه‌ر برد.
ناوبراو له درێژه‌ی لێدوانه‌کانیدا باسی له‌وه کرد: "له‌و سه‌رده‌مه‌ی سه‌رۆكوه‌زیران بووم له ڕێگه‌ی وه‌زیری كولتووره‌وه ویستم ڕووفاتی ئه‌حمه‌د كایا بهێنینه‌وه توركیا و هه‌واڵمان دایه هاوسه‌ره‌كه‌شی. ئه‌گه‌ر بێت و ئه‌مڕۆ دیسان ده‌رفه‌تێكی له‌و شێوه‌یه هه‌بێت، خانه‌واده‌كه‌ی هێنانه‌وه‌ی ته‌رمی ئه‌حمه‌د كایا بۆ خاكه‌كه‌مان په‌سه‌ند بكه‌ن، ئێمه هه‌رچییێكمان له ده‌ست بێت ئه‌نجامی ده‌ده‌ین. ئێمه ئاماده‌ین بۆ ئه‌نجامدانی كارێكی له‌و شێوه‌یه".
سه‌رچاوه: هه‌واڵده‌ریی هابر 7
کۆدی هه‌واڵنێر: 60103
Your Comment