بەپێی هەواڵی کوردپرێس، یەحیا رەسووڵ وتەبێژی فەرماندەی گشتی هێزە چەکدارەکانى عێراق، لە بەیاننامەیەکدا رایگەیاند: لە ئۆپراسیۆنێکدا لە بەغدا سەرکردەیەکى داعش بەناوى "ئەبو عەلی بەغدا" دەستگیركرا، كە بەشداری لە جێبەجێکردنی ژمارەیەک تاوانی دژی هاوڵاتیان و هێزە ئەمنییەکان کردووە.

ناوبراو وتیشى: "هەروەها لە پارێزگاکانی ئەنبار، کەرکووک، سەڵاحەدین چوار تیرۆریست دەستگیرکران، هاوکات ئەندامێکى داعش لەناو شاری سلێمانی دەستگیرکرا، لە ئۆپەراسیۆنێکدا بە هەماهەنگی لەگەڵ ئاسایشى پارێزگاکە".