بەپێی هەواڵی کوردپرێس، ڕەعد ئەلتەمیمی بە ئاژانسی مەعلوومەی وتووە: ئەنقەرە لە عێراق ڕۆڵی هێرشبەرانەی گرتۆتە پێش و هەڵمەتەکانی ئەمدواییەی تورکیا لە هەرێمی کوردستان، شنگال و کەلار پلانی بەرنامەڕێژی کراوە لەدژی خەڵکی سڤیل ئەوەش بە بیانووی شەڕی چەکدارانی پارتی کرێکارانی کوردستان.

تەمیمی جەختی کردەوە: ئەو هەنگاوانەی ئەنقەرە گرتوویەتە پێش تاوانی جەنگییە و کاردانەوەی بەغدا لەبەرامبەریدا زۆر ئابڕووبەرە و بووەتە هۆی درێژەدان بە بۆردوومانی وەحشیانەی عێراق.

ناوبراو لە کۆتاییدا جەختی کردەوە بێدەنگی لە بەرامبەر ئەم دەستدرێژیانەوە قبووڵکراو نییە.