بەپێی هەواڵی کوردپرێس، به‌گوێره‌ی راگه‌یه‌ندراوێکی سه‌رۆکایه‌تی کۆمار، به‌رھه‌م ساڵح، سه‌رۆک کۆماری عێراق پێشوازیی کرد له جینین پلاسخارت، نوێنه‌ری تایبه‌تی سکرتێری گشتی نه‌ته‌وه یه‌کگرتووه‌کان له عێراق.
له دیداره‌که‌دا گفتوگۆکرا له‌باره‌ی گۆڕانکاری و پێشهاته سیاسی و ئه‌منییه‌کانی وڵات و دووپاتکرایه‌وه له پێویستی پته‌و کردنی سه‌قامگیری ئه‌منی و ریشه‌کێش کردنی پاشماوه‌کانی تیرۆر و پاراستنی ئاسایش و ئارامی ھاوڵاتیان.
له به‌شێکی دیکه‌ی دیداره‌که‌دا جه‌خت کرایه‌وه له گرنگی پشتیوانی کردن له سازان و دیالۆگ بۆ کۆتایی ھێنان به بنبه‌ستی سیاسی به له‌به‌رچاوگرتنی ئه‌و ئاسته‌نگ و ئالێنگارییانه‌ی روبه‌ڕوی وڵات ده‌بنه‌وه، ھه‌روه‌ھا دوپاتکرایه‌وه له به‌ھێزکردنی یه‌کڕیزی نیشتمانی به ئاڕاسته‌ی چاره‌سه‌رکردنی کێشه‌ی ھه‌ڵپه‌سێردراوه‌کان به گیانی به‌رپرسیارانه له پێناو ھێنانه‌ئاراوه‌ی ماف و به‌رکه‌وته نیشتمانییه‌کان به جۆرێک له ئاست داوا ره‌واکانی خه‌ڵک بێت.
Your Comment