بەپێی هەواڵی کوردپرێس، ئەنجومەنی ئاسایش لە راگەیەندراوێکدا رایگەیاند: لە رێکەوتی 4ی ئایاری 2022 لە سنووری پارێزگای دهۆک، توانییان گرووپێکی تیرۆریستی" سەر بە پەکەکە دەستگیر بکەن و دەست بە سەر 9 مووشەکی جۆری کاتیۆشای 107 ملم و سەکۆی مووشەکیدا بگرن.

بەپێی راگەیەندراوەکە ئەو گرووپە لە لایەن پەکەکەوە راسپێردراون تا هێرشی مووشەکی بکەنە سەر بارەگای لقی 17 پ. د. ک، فەرمانگە خزمەتگوزارییەکان، وێستگەی کارەبا، بەنداوی دهۆک و چەند شوێنێکی گشتیی دیکە.