بەپێی هەواڵی کوردپرێس، باڵیۆزخانەی ویلایەتە یەکگرتووەکانی ئەمریکا لە سووریا لە هەژماری تایبەتی خۆی لە تویتەر پەیامێکی بڵاو کردوەتەوە و باسی لەوەکردووە، نیگەرانن لەو راپۆرتانەی باس لە تۆپبارانکردنی کۆبانێ دەکەن و ئیدانەی کوژرانی هەرهاوڵاتییەک دەکەن بەهۆی ئەو بۆردوومانانەوە.
ئاماژەی بەوەشكردوە، ویلایەتە یەکگرتووەکانی ئەمریکا داوا لە هەموو لایەنەکان دەکات هەوڵەکانیان بە ئاڕاستەی هێورکردنەوەی دۆخەکە چڕبکەنەوە و گرژییەکانی نێوانیان رابگرن.
ئەوەش لەکاتێکدایە دوێنێ یەکشەممە سنووری ژمارەیەک گوند لە کۆبانێ و گرێ سپی تۆپباران کران، بۆردوومانەکەش کوژرانی کەسێک و برینداربوونی ژمارەیەک کەسی دیکەی لێکەوتەوە، هەسەدەش تورکیا و گروپەکانی ئۆپۆزسیۆنی نزیک لە ئەنقەرە بە تۆپبارانەکان تۆمەتبار دەکات.
Your Comment