بەپێی هەواڵی کوردپرێس، ئاژانسی فوڕات نیووز بڵاویکردەوە، سه‌رله‌به‌یانی پۆلیسه‌کانی تیمی تایبه‌تی تورکیا هه‌ڵیانکوتایه‌ سه‌ر بیناکانی پارتی دیموکراتی گەلان لە ناوچه‌ی جزیر.

ئاماژەی بەوەش کردووە، له‌ گه‌ڕه‌که‌کانی جودی، داغکاپی، نور و گوندی دیرسه‌کلی هێزە ئەمنییەکان هه‌ڵیانکوتاوەتە سه‌ر ماڵان و لە ئەنجامدا مه‌سعوود نارت، هاوسه‌رۆکی هه‌ده‌په‌ی ناوچه‌که‌، دایکی یاسه‌مین چکماز، عوسمان کوچوک، ماروز ئه‌ریس و شه‌ریف ئه‌لچیئۆغڵو ده‌ستگیر کران.