به‌پێی هه‌واڵی کوردپرێس، ئێواره‌ی ڕۆژی دووشه‌ممه 17ی حوزه‌یرانی 2019 ئه‌حمه‌د سه‌حاف باسی له‌وه کرد که سبه‌ینێ چوارشه‌ممه 19ی حوزه‌یران سه‌باح ئه‌حمه‌د جابر میری کوه‌یت سه‌ردانی عێراق ده‌کات.
هه‌ر له‌مباره‌وه سه‌رچاوه‌یێکی ئاگاداریش ڕای‌گه‌یاند که سه‌باح ئه‌حمه‌د جابر میری كوه‌یت له سه‌ردانه‌که‌ی بۆ عێراق له‌گه‌ڵ به‌رهه‌م ساڵح سه‌رۆک كۆمار، عادل عه‌بدولمه‌هدی سه‌رۆک وه‌زیران و محه‌مه‌د حه‌لبووسی سه‌رۆکی ئه‌نجومه‌نی نوێنه‌رانی عێراق كۆ ده‌بێته‌وه.
ئه‌مه‌ش له حاڵێکدایه که مانگێک له‌مه‌وبه‌ر سه‌رۆک وه‌زیرانی عێراق سه‌فه‌رێکی فه‌رمی بۆ پێته‌ختی کوه‌یت ئه‌نجام دا و له‌گه‌ڵ میری کوه‌یت دیدار و گفتوگۆی کرد.
سه‌رچاوه: ماڵپه‌ڕی به‌غداد ئه‌لیه‌وم
کۆدی هه‌واڵنێر: 60103
Your Comment