بەپێی هەواڵی کوردپرێس، "ڕۆژی شەممە، کاتژمێر 3ی ئێوارە، لەقەزای سۆران و لەسەر ڕێگای گەلی عەلی بەگ، پاسێکی گەشتیاریی کۆماری ئیسلامیی ئێران ئاگری گرت و بەو هۆیەوە بەشی دواوەی پاسەکە سووتا".

لەوباریەوە عیماد ڕێکانی، بەڕێوەبەری بەرگری شارستانیی سۆران لەمیانی لێدوانێكیدا بۆ خەندان ڕایگەیاند: "ئەو پاسە گەشتیاریە 30 گەشتیاری هەڵگرتووە و ئێوارەی ئەمڕۆ بەشی دواوەی پاسەكە گڕی گرتووە و سووتاوە، بەڵام خۆشبەختانە سەرنشینەكان زیانیان بەرنەكەوتووە".

ناوبراو وتیشی: "بە مەبەستی كوژاندنەوەی ئاگرەكە دەستبەجێ تیمەکانی بەرگریی شارستانیی سۆران و خەلیفان گەیشتوونەتە شوێنی مەبەست و ئاگرەکەیان کؤنتڕۆڵ کردووە".

لەبارەی هۆكاری كەوتنەوەی ئەو ئاگرەوە، عیماد رێكانی وتی: "ئاگرکەوتنەوەکە بەهۆی كێشەیێكی تەکنیکیەوە بووە".

کۆدی هه‌واڵنێر: 60113