به‌پێی هه‌واڵی کوردپرێس، لیوا سادق فه‌ره‌ج عه‌بدولڕه‌حمان به‌ڕێوه‌به‌ری پۆلیسی نێوده‌وڵه‌تی له عێراق (ئینته‌رپۆل) ڕای‌گه‌یاند: له ئێستادا لیستێکی 653 که‌سیان لایه که فه‌رمانی سوور بۆ ده‌ستگیرکردنیان ده‌رچووه و ئه‌مه‌ش له حاڵێکدایه که هه‌وڵه‌کان و ڕێکاره‌کانیان ده‌ستی پێکردووه بۆ ده‌ستگیرکردن و گه‌ڕاندنه‌وه‌یان بۆ عێراق.
ناوبراو ئاماژه‌ی به‌وه کرد: پۆلیسی ئینته‌رپۆل له سووریا زانیارییان پێداون له‌سه‌ر ده‌ستگیرکردنی نه‌عیم عه‌بعووب ئه‌مینداری پێشووی به‌غدا و له‌لایه‌ن دادگا و لایه‌نه په‌یوه‌ندیداره‌کانی عێراقه‌وه دۆسیه‌کانی ئاماده کراوه بۆ گه‌ڕاندنه‌وه و دادگایی کردنی.
به‌ڕێوه‌به‌ری پۆلیسی ئینته‌رپۆل له به‌غدا سه‌باره‌ت به ده‌ستگیرکردنی نه‌جمه‌ددین که‌ریم پارێزگاری پێشووی که‌رکووک ئاشکرای کرد: نه‌جمه‌ددین که‌ریم پارێزگاری پێشوی که‌رکووک که یه‌کێکه له تۆمه‌تبارانی داواکراو له‌لایه‌ن دادگای عێراقه‌وه، تا ئێستا له به‌یروته و به‌پێی یاساکانی لوبنان پاسپۆرت و به‌ڵگه‌نامه‌کانی لێوه‌رگیراوه و به که‌فاله‌ت ئازاد کراوه تا ئاماده‌کردنی په‌ڕاو و دۆسیه‌ی ڕاده‌ستکردنه‌وه و گه‌ڕاندنه‌وه‌ی بۆ عێراق و دادگایی کردنی.
سه‌رچاوه: که‌ناڵی ئارتی عه‌ره‌بیی ڕووسیا
کۆدی هه‌واڵنێر: 60103
Your Comment