بەپێی هەواڵی کوردپرێس، ناوەندی ڕووسیا بۆ هاوپەیمانی لایەنە سووریەکان ڕایگەیاندووە بە هۆی پێکدادانی نێوان سوپای سووریا و میلیشیا دژبەرەکانی حکوومەت لە ڕۆژانی پێنجشەممە و هەینی 140 ئەندامی گرووپی تیرۆریستیی تەحریر الشام کوژران.

جەنراڵ ڤیکتۆر کوپجشین سەرۆکی ناوەندی ڕووسیا بۆ هاوپەیمانی لایەنە سووریەکان ئەم هەواڵەی ڕاگەیاند و وتی: لە ڕۆژانی 6 و 7 حوزەیراندا میلیشیاکانی تەحریر الشام هێرشێکیان کردە سەر بنکەی ئەرتەشی سووریا لە باشووری ئیدلیب کە 500 چەکدار لەو هێرشەدا ئامادەبوون. لە ئەنجامدا هێرشەکە لەلایەن سوپای سووریاوە بەرپەرچدرایەوە و 140 چەکدار کوژران و 5 تانک، 3 ئۆتۆمبێلی زرێپۆش و 9 ئۆتۆمبێلی پیکاپ تێکشکێندران.

سەرچاوە: ئایدینلیک

کۆدی هەواڵنێر: 60113