به‌پێی هه‌واڵی کوردپرێس، نجات ڕۆشدی هه‌ماهه‌نگ‌که‌ره‌وه‌ی کاروباری مرۆڤدۆستانه‌ی ڕێکخراوی نه‌ته‌وه یه‌کگرتووه‌کان له لێدوانێکدا تیشکی خسته سه‌ر به‌رزبوونه‌وه‌ی ئاستی ته‌نگه‌ژه‌کان له ئیدلب و ڕای‌گه‌یاند: ئه‌گه‌ر ڕێگری له توندوتیژییه‌کانی باکووری ڕۆژئاوای سووریا نه‌کرێت ئه‌وا به‌ره‌وڕووی تراژێدیایێکی گه‌وره‌ی مرۆڤی ده‌بینه‌وه. له ئیدلب 3 ملیۆن مرۆڤ ده‌ژین که پێویسته بپارێزرێن. ئه‌گه‌ر شه‌ڕێک له‌م ناوچه‌یه‌دا بێته‌دی شه‌ڕ و هێرشه گریمانه‌کراوه‌کان ته‌نانه‌ت هاووڵاتییانی سڤیلی ناوچه‌ی ژێر کۆنتڕۆڵی ده‌وڵه‌تی ناوه‌ندیی سووریاش ده‌خاته مه‌ترسییه‌وه.
ناوبراو له درێژه‌ی لێدوانه‌کانیدا جه‌ختی کرده‌وه: پاراستنی خه‌ڵکی سڤیل گرینگتر له هه‌ر شتێکه. له‌م شه‌ڕه‌دا داوا له هه‌موو لایه‌نه‌کان ده‌که‌ین به‌رپرسیارێتییه‌کانیان ڕاپه‌ڕێنن و زووبه‌زوو دووره‌په‌رێزی بکه‌ن له هێرش‌کردنه سه‌ر شوێنه گشتییه‌کان که ده‌توانێت خه‌سارێکی قورسی لێبکه‌وێته‌وه له‌وان ناوه‌نده ته‌ندروستییه‌کان، قوتابخانه، بازاڕ و شوێنه پیرۆزه‌کان.
سه‌رچاوه: ته‌له‌فزیۆنی NTV
کۆدی هه‌واڵنێر: 60103
Your Comment