کوردپرێس:
سەرۆک کۆماری عێراق ڕۆژی چوارشەممە 29-5-2019 لە کۆشکی سەلام لە بەغدا پێشوازیی كرد له ئەمینداری گشتیی پڕۆژەی نیشتمانیی عێراقی شێخ جمال زاری و ژمارەیێک لە ئەندامانی ئەنجومەنی پارێزگای بەغدا.
سەرۆک کۆمار ئاماژەی بە پێویستیی یەکخستنی هه‌وڵه‌كان كرد لە پێناوی دەستەبەرکردنی ماف و گوزەرانێکی باشتر بۆ ھاووڵاتییان.
لە دیدارەکەدا بەرھەم ساڵح، جه‌ختی لە گرنگیی ھەماھەنگی و کاری هاوبه‌شی نێوان لایەنە سیاسییەکان کردەوە، بۆ پاراستنی یەکڕیزیی نیشتمانی و پێکەوەژیانی ئاشتییانەی نێوان گشت پێکھاتەکانی گەلی عێراق، ھاوكات ئاماژەی بە پێویستی یەکخستنی هه‌وڵه‌كان كرد لە پێناوی دەستەبەرکردنی ماف و گوزەرانێکی باشتر بۆ ھاووڵاتییان.
هه‌ر له میانی دیداره‌كه‌دا سەرۆک كۆمار جەختی لە پێویستی گرنگیدانی زیاتر به پێشخستن و پێشكه‌ش­كردنی خزمه‌تگوزارییه پێویسته‌كان بە ھاووڵاتییانی شاری به‌غدا كرده‌وه.
لەلای خۆیانەوە شاندی میوان ھەوڵەکانی سەرۆک کۆماریان بەرز نرخاند لە نزیک­کردنەوەی دید و بۆچوونی نێوان گشت لایەنەکان و چاودێریکردن و جێبەجێکردنی پرۆژە خزمەتگوزارییەکانی بەغدای پایتەخت.
Your Comment