بەپێی هەواڵی کوردپرێس، مەڵبەندی دووى رێکخستنى یەکێتی لە کەرکووک لە راگەیێندراوێکدا رایگەیاندوە: "یەکێتى هیچ جۆرە هاوبەشیێکى لەگەڵ ڕاکان سعید و حکوومەتى خۆ جێیەتى پارێزگاى کەرکووک نیە، بەڵام یەکێتى نوێنەرایەتى زۆرینەى خەڵکى پارێزگاى کەرکووک دەکات، ئاساییە لە پەیوەندیدا بێت لەگەڵ حکوومەتى خۆجێی بۆ راییکردنى کاروبارى هاوڵاتیان و چارەسەرکردنى کێشەکانیان".

راكان جبووری، پارێزگاری كه‌ركووک بە وەكالەت ڕۆژی یەكشەممە لە كۆنگرەیێكی رۆژنامەوانیدا رایگەیاند: "خه‌ڵكی ناوچه‌كه‌ له‌ عه‌شیره‌تی شه‌ممه‌رن و ناوچه‌ی ئه‌وان دوبز و سه‌رگه‌ڕانه‌ و به‌شێک نین له‌وانه‌ی مادده‌ی 140 ده‌یانگرێته‌وه‌، پێشتریش دادگا به‌پێی یاسا زه‌وییه‌ كشتوكاڵیه‌كانی پێداونه‌ته‌وه‌ و گرێبه‌ستیان هه‌یه‌".

مەڵبەنی دووى رێکخستنى یەکێتی لەوبارەیەوە ئاماژەی بەوەش کردووە: "وەکوو یەکێتى سەرژمێرى ساڵی 1957 بە بنەما دەگرین و بزانین کێ خەڵکى ڕەسەنى ناوچەکەیە، ئەوەى راکان جبورى بە خەڵکى ڕەسەنى ناوچەکەیان دەزانێت ئەمانە عەرەبى هاوردەن و ئەوەى شارەزاش بێت لە جوگرافیا دەزانێت سنوورى نیشتەجێ بوونى عەشیرەتى شەمەر لە کوێیە".

رونیشی کردوەتەوە: "یەکێتی بۆ چارەسەرکردنى کێشەکان، دەستوور و یاسا بە مەرجەعی یەکلاکەرەوە دەزانێت بۆ ئەم پرسەو تەواوى پرسە چارەسەر نەکراوەکانى ناوچە جێناکۆکەکان، کەوا ماددەى 140ى دەستوورى چوارچێوەى چارەسەریەتى".

راکان جبوری راشیگەیاندبوو یەکێتی ھاوبەشێکی باشە لە ئیدارەدانی کەرکووک و لەگەڵ پارتیش دانووساندیان ھەیە.

بەڵام مەڵبەنی دووى رێکخستنى یەکێتی لەوبارەیەوە دەڵێت: "ئەو لێدوانە دوورە لە ڕاستییەوە، ئەوەى کراوە جێگرى پارێزگار بۆ پێکهاتەى عەرەب بێت، کەواتە پارێزگارى کەرکووک مافى کام پێکهاتەیە؟"

لە راگەیەندراوەکەی یەکێتیدا هاتووە: "ئەوانەى لە هەولێر فرمێسکى تیمساحى بۆ کەرکووک هەڵدەڕێژن دەبێت باش بزانن دۆخى کەرکووک لە ئەنجامى ریفراندۆمە سەقەتەکەى ئەوان هاتە کایەوە، لە کاتێکدا لە موێل و تەواوى شوێنەکانى دیکەی عێراق بەشدارن لە پرۆسەى سیاسی و ڕۆژانە هەوڵی ڕێکەوتنى ژێر بەژێر دەدەن تەنانەت لە گەڵ پارێزگارى کەرکووک بە وەکالەت".

سەرچاوە: خەندان

کۆدی هەواڵنێر: 60113