به‌پێی هه‌واڵی کوردپرێس، کۆمیته‌ی به‌رگرتن له ئه‌شکه‌نجه‌ی ئه‌ورووپا (CPT) له به‌یاننامه‌یێکدا باسی له زیندانه‌کانی تورکیا کرد و ڕای‌گه‌یاند: کۆمیته‌که ڕۆژانی 6 بۆ 17ی ئایاری 2019 ژماره‌یێکی زۆر زیندانیی ناوچه کوردنشینه‌کانی تورکیای به سه‌ر کردۆته‌وه به‌تایبه‌ت زیندانی ئیمرالی.
له‌و به‌یاننامه‌یه‌دا هاتووه: کۆمیته‌ی به‌رگرتن له ئه‌شکه‌نجه‌ی ئه‌ورووپا (CPT) له سه‌ردانه‌که‌یدا زیندانی ئیمرالی شوێنی زیندانی‌کردنی عه‌بدوڵڵا ئۆجه‌لان ڕێبه‌ری زیندانی‌کراوی PKK، زیندانه‌کانی ئه‌سته‌نبۆڵ، ئامه‌د، ئه‌نقه‌ره، په‌رسووس و چه‌ندین زیندانی دیکه‌ی به سه‌ر کردۆته‌وه. هه‌روه‌ها له‌م ماوه‌یه‌دا پشکێنه‌رانی CPT له‌گه‌ڵ وه‌زیری ده‌ره‌وه، وه‌زیری داد، وه‌زیری ته‌ندروستی و ڕێکخراوی مافی مرۆڤی تورکیا دیدار و گفتوگۆی کردووه.
سه‌رچاوه: هه‌واڵده‌ریی فورات نیووز
کۆدی هه‌واڵنێر: 60103
Your Comment