کوردپرێس:

هێزه‌کانی پۆلیسی تورکیا له‌ خۆحه‌شاردانی گرووپێکی سه‌ر به‌ هێزه‌کانی په‌که‌که‌ له‌ خانوویێکی گه‌ڕه‌کی ده‌رگیلی شارۆچکه‌ی هالفه‌تی سه‌ر به‌ ئۆرفا ئاگادار کرانه‌وه‌ که‌ ئه‌و هێزانه‌ کاتژمێر 02:00ی سه‌رله‌به‌یانیی ئه‌مڕۆ ئۆپه‌راسیۆنێکیان بۆ سه‌ر هێزه‌کانی په‌که‌که‌ ده‌ست پێکرد که‌ له‌ ئه‌نجامدا شه‌ڕ و پێکدادان له‌ نێوان هه‌ردوو لا ڕووی دا.

له‌ ئۆپه‌راسیۆنه‌كه‌دا یاریده‌ده‌رێكی لێكۆڵه‌ری پۆلیس گیانی له‌ده‌ست دا و دوو پۆلیسی دیکه‌ش بریندار بوون که‌ برینداران ڕه‌وانه‌ی نه‌خۆشخانه‌ی مێهمه‌ت ئاکیف ئینان کران و نه‌شته‌رگه‌رییان بۆ ئه‌نجام درا.

دواتر ژماره‌یێکی زۆر هێز و ئۆتۆمبێلی زرێپۆش ڕه‌وانه‌ی ناوچه‌که‌ کران و له‌ ئه‌نجامدا دوو هێزی په‌که‌که‌ له‌لایه‌ن پۆلیسی تورکیاوه‌ کوژران.

سه‌رچاوه‌: ڕۆژنامه‌ی جمهوورییه‌ت

کۆدی هه‌واڵنێر: 60103