کوردپرێس:
غه‌یاس سوورچی كارگێری مه‌ڵبه‌ندی نه‌ینه‌وای یه‌كێتیی نیشتمانیی كوردستان به SNNی ڕاگه‌یاند: پێشبینی ده‌كرێت له لایه‌نێكی عیراقییه‌وه هه‌وڵ بۆ دوورخستنه‌وه‌ی یه‌كینه‌كانی به‌رخۆدانی شنگال بدرێت و له ماوه‌ی ڕابردوودا هه‌نگاو به‌و ئاڕاسته‌یه نراوه و له ئێستادا به‌شێكی زۆری هێزه‌كانیان له ناو سه‌نته‌ری قه‌زاكه نه‌ماون به‌ڵكوو ته‌نها به‌شێكی بازگه‌كانیان له سنووری قه‌زاكه ماوه‌ته‌وه.
ناوبراو ڕوونیشی كرده‌وه: هیچ مه‌ترسییێک نییه كه جارێكی دیكه هێزه‌كانی سوپای عیراق و یه‌كینه‌كانی به‌رخۆدانی شنگال پێكدادان له نێوانیاندا هاوشێوه‌ی ڕابردوو ڕوو بداته‌وه، جگه له‌وه‌ش له ئێستادا زۆربه‌ی هێزه‌كانیان له ده‌ره‌وه‌ی قه‌زاكه‌ن و بازگه‌یان هه‌یه.
سوورچی ئاماژه‌ی بۆ ئه‌وه‌ش كرد: پێشتر له ڕووی ئیدارییه‌وه قه‌زای شنگال له‌لایه‌ن محه‌ما خه‌لیله‌وه به‌ڕێوه براوه به‌ڵام له ئێستادا شنگال له ڕووی ئیداری و سه‌ربازیشیه‌وه له‌لایه‌ن به‌غداوه به‌رێوه ده‌برێت و ڕێگریش ده‌كرێت كه قائیمقامی شه‌رعی ئه‌و قه‌زایه بگه‌رێته‌وه سه‌ر كاره‌كه‌ی خۆی و كه‌سێكی دیكه به‌وه‌كاله‌ت ئه‌و پۆسته به‌ڕێوه ده‌بات.
کۆدی هه‌واڵنێر: 60103
Your Comment