بەپێی هەواڵی کوردپرێس، ئارێز عەبدوڵا لە پەیجى خۆى لە تۆڕى کۆمەڵایەتى فەیسبووک ئاماژەى بەوە کردووە، ئەو فەرمانبەرانە دەمێکە لەوێ کاردەکەن. ئەگەر گواستنەوەشیان پێویست بێت دەبووایە چاوەڕوانی ھەڵبژاردنی سەرۆک و کاراکردنەوەی دامەزراوەی سەرۆکایەتی ھەرێم بوونایە.

ناوبراو ڕوونیشی کردەوە: "سەیرکردنی کارمەندان و فەرمانبەرانی دەوڵەت بەچاوی حزبی و مامەڵەی حزبایەتی کارێکی نەشیاوە، دەبێت ھەموو لایێک بزانین کە دامەزراوەکانی دەوڵەت موڵکی ھەموو خەڵکی کوردستانن و ناکرێ لایەنێک یان چەند لایەنێک لە ئەلف تا ی خاوەندارێتیان بکەن".

بە وتەى ئارێز عەبدوڵا "چەند ئەندامێکی پارتیش لەناو ئەو لیستەدان، بەڵام ئایا ئەوانە بەئاگری یەکێتییەکانەوە سووتاون یان بۆ پاساوی پاکتاوکردن کراونەتە قوربانی؟"

ئەوەش لەکاتێکدایە 28 فەرمانبەر کە لە پشکی یەکێتین و لە دیوانی سەرۆکایەتی هەرێم دەوام دەکەن، ڕاژەکەیان گواستراوەتەوە بۆ چەند وەزارەتێکی دیکە.

کۆدی هەواڵنێر: 60113