کوردپرێس:
شوان كه‌ریم ئه‌ندامی فراكسیۆنی پارتی له په‌رله‌مانی كوردستان به SNNی ڕاگه‌یاند: لیژنه‌یێكی باڵا له سه‌ركردایه‌تیی پارتی به سه‌رپه‌رشتی مه‌سعوود بارزانی پێكهێنراوه بۆ دیاری كردنی كاندیده‌كانی حزب بۆ كابینه‌ی نوێی حكوومه‌ت.
ناوبراو وتیشی: "لیژنه‌كه له سێ ئه‌ندامی مه‌كته‌بی سیاسی پێكهاتووه و هه‌ریه‌ک له نێچیرڤان بارزانی و مه‌سروور بارزانی ڕای خۆیان ده‌بێت له‌سه‌ر كاندیده‌كان و به چه‌ند فلته‌رێكیشدا ده‌ڕوات كه بۆ هه‌ر وه‌زاره‌تێک چه‌ند كاندیدێک هه‌یه به‌ڵام بڕیاری كۆتایی له‌سه‌ر كاندیده‌كان له‌لایه‌ن مه‌سعوود بارزانییه‌وه ده‌درێت".
شوان که‌ریم ئاشكراشی كرد: به گوێره‌ی زانیارییه‌كان ئاشتی هه‌ورامی له پۆسته‌كه‌ی خۆی ده‌مێنێته‌وه و له كابینه‌ی نوێش پۆستی وه‌زیری سامانه سروشتییه‌كان وه‌رده‌گرێته‌وه به‌ڵام وه‌زیره‌كانی دیكه‌ی پشكی پارتی تا ئێستا هیچ بڕیارێک نییه له‌سه‌ر مانه‌وه‌یان له پۆسته‌كانیان.
ئه‌ندامه‌كه‌ی فراكسیۆنی پارتی ده‌شڵێت: "ئێمه وه‌كوو پارتی حزبێكی مه‌ركه‌زین، سه‌ركردایه‌تیی پارتی كێ دابنێت ئێمه پێمان باشه".
کۆدی هه‌واڵنێر: 60103
Your Comment