به‌پێی هه‌واڵی کوردپرێس، ئه‌مڕۆ چوارشه‌ممه‌ 11ی گوڵانی 1398 حه‌سه‌ن ڕۆحانی سه‌رۆک کۆماری ئێران به‌ یاوه‌ریی شاندێکی باڵا گه‌یشته‌ پارێزگای کرماشان و له‌ فڕۆکه‌خانه‌ی شه‌هید ئه‌شره‌فی له‌لایه‌ن پارێزگار، نوێنه‌ری وه‌لی فه‌قی و به‌رپرسانی ئه‌و پارێزگایه‌وه‌ پێشوازیی لێکرا.

بڕیاره‌ ڕۆحانی له‌ سه‌ردانه‌که‌یدا هه‌شت پڕۆژه‌ی ئاوه‌دانکاری و خزمه‌تگوزاری بکاته‌وه‌.

هووشه‌نگ بازوه‌ند پارێزگاری کرماشان له‌باره‌ی سه‌ردانه‌که‌ی ڕۆحانییه‌وه‌ به‌ هه‌واڵنێرانی ڕاگه‌یاند: کۆی ئه‌و هه‌شت پڕۆژه‌یه‌ی بڕیاره‌ سه‌رۆک کۆمار بیانکاته‌وه‌ سه‌رمایه‌که‌ی ده‌گاته‌ 7 هه‌زار و 122 ملیار تمه‌ن.

هه‌ر له‌ سه‌ردانه‌که‌یدا ڕۆحانی بڕیاره‌ به‌نداوی ئه‌زگڵه‌ بکاته‌وه‌ و کردنه‌وه‌ی کارخانه‌ی توانه‌وه‌ی ئاسنی "جهان فولاد" له‌ شاری هه‌رسین به‌رنامه‌یێکی دیکه‌ی سه‌ردانه‌که‌ی ڕۆحانی ده‌بێت و بڕیاریشه‌ له‌ کۆبوونه‌وه‌ی ئه‌نجومه‌نی ئیداریی پارێزگای کرماشانیش به‌شداری بکات.

کۆدی هه‌واڵنێر: 60103