کوردپرێس:

محەمەد مەهدی شەهریاری پارێزگاری ئازەربایجانی ڕۆژئاوا لەو بارەیەوە ڕایگەیاند: ڕێژەی ناردنکاری لە سنوورەکانی پارێزگای ورمێوە لە ساڵی 1396دا تەنیا 400 ملوێن دۆلار بوو بەڵام ئەو ڕێژەیە ساڵی 1397 بۆ یەک ملیارد و 400 ملوێن دۆلار بەرز کرایەو.

شەهریاری ئاماژەی بە ڕێژەی بێکاری لە پارێزگای ورمێ دا و ڕایگەیاند ئاماری بێکاری لەو پارێزگایەدا دابەزیوە و ئەو لێدوانەی پارێزگاریش پێچەوانەی داتاکانی دەرکراو لە بارەی ڕێژەی بێکارییەوەیە.

ناوبراو زیادی کرد ساڵی پار بە ڕێژەی 117 ملیار تمەن سەرمایەدانەریان بۆ پارێزگای ورمێ ڕاکێشاوە و ئەو سەرمایەدانانەش هەلی کاری بۆ 2500 کەس خولقاندووە.

پارێزگای ورمێ سنووری هاوبەشی لەگەڵ ئازەربایجان و تورکیا هەیە و دەروازەی سنووری بازرگان وەکوو خاڵێکی فەرمیی بازرگانی کردن ساڵانە بە ملیار دۆلار ئاڵوگۆڕی بازرگانیی لێوە دەکرێت.