کوردپرێس:

وه‌زاره‌تی به‌رگریی تورکیا له‌ ڕاگه‌یێندراوێکدا بڵاوی کرده‌‌وه‌ که‌ ڕۆژی هه‌ینی 19ی نیسانی 2019 خولووسی ئاكار وه‌زیری به‌رگریی تورکیا په‌یوه‌ندییێکی ته‌له‌فۆنی له‌گه‌ڵ فلۆرێنس پارلی هاوتا فه‌ڕه‌نسییه‌كه‌ی ئه‌نجام دا.

له‌ په‌یوه‌ندییه‌ ته‌له‌فۆنییه‌كه‌ی نێوانیاندا وه‌زیرانی به‌رگریی تورکیا و فه‌ڕه‌نسا گفتوگۆیان له‌سه‌ر بابه‌ته‌كانی په‌یوه‌ست به‌ هاریكاریی به‌رگریی نێوان هه‌ر دوو وڵات کرد.

هه‌روه‌ها له‌ په‌یوه‌ندییه‌ ته‌له‌فۆنییه‌كه‌دا ئاكار هاوخه‌میی خۆی له‌گه‌ڵ گه‌لی فه‌ڕه‌نسا ده‌ربڕی به‌ بۆنه‌ی ئه‌و ئاگره‌ی له‌ کلێسه‌ی نۆتردام كه‌وتبوویه‌وه‌.

سه‌رچاوه‌: هه‌واڵده‌ریی ئه‌نادۆڵو

کۆدی هه‌واڵنێر: 60103