بەپێی هەواڵی کوردپرێس، گرووپە ئیسلامییەکانی عێراق پاش نیوەڕۆی ڕۆژی شەممە لە کۆنفرانسێکی ڕۆژنامەوانیی هاوبەشدا لە کونسۆڵخانەی ئێران لە شاری نەجەف هەوڵی دوژمنکارانەی دەوڵەتی ترەمپ سەرۆک کۆماری ئەمریکایان کە ناوی سوپای پاسدارانی شۆڕشی ئیسلامی لە ڕیزی گرووپە تیرۆریستییەکان داناوە بە توندی ئیدانە کرد.
گرووپە ئیسلامییەکان جەختیان کردەوە کە پاڵپشتیکەری سەرەکی تیرۆریزم لە جیهاندا واشنتنە.
لەم کۆنفرانسەدا ئەبوو فرقد سەعداوی بەرپرسی ڕێکخراوی بەدر لە نەجەف ڕایگەیاند: ئەمە هەوڵێکی بێ بنەمایە لەلایەن پاڵپشتیکەری سەرەکیی تیرۆریزمەوە واتا ئەمریکا، کە بە ئیقراری سەرکردەکانی داعش و گرووپە تیرۆریستییەکان و بەرە نوسرە ئەمریکا دامەزرێنەری ئەم گرووپانەیە.
سەعداوی ئاشکراشی کرد: یەکگرتوویی خۆان لەگەڵ میللەتی موسوڵمانی ئێران و سوپای پاسداران ڕەدەگەیێنین کە ئەگەر یارمەتی ئەوان نەدەبوو چوار تا پێنج وڵات دەڕووخان.
کۆدی هەواڵنێر: 60113
Your Comment