کوردپرێس: کازم محەممەد عەقابی، سەرۆکی دەستەی دەروازە سنوورییەکانی عێراق ڕۆژی پێنجشەممە لە بەیاننامەیێکدا کە لە کۆبوونەوەی کۆمیتەی هاوبەشی وڵاتەکەی و سووریا دەریکرد ڕایگەیاند دوو لایەنەکە لەسەر کردنەوەی دەروازەی سنووریی قائیم-ئەبووکەمال ڕێککەوتوون کە دەکەوێتە نێوان پارێزگای ئەنبار لە ڕۆژئاوای عێراق و پارێزگای دەیرەزوور لە ڕۆژهەڵاتی سووریا.
بەگوێرەی بەیاننامەکەی عەقابی، عێراق و سووریا هەوڵ دەدەن بە زووترین کات دۆخەکە بۆ ئاڵوگۆڕی بازرگانی و هاتوچۆی خەڵک فەراهەم بکرێت کە پێش بینی دەکرێت شەش مانگ بخایێنێت.
سەرۆکی دەستەی دەروازە سنوورییەکانی عێراق ڕاشیگەیاند عێراق و سووریا هەروەها کار دەکەن بۆ داخستنی هەموو دەروازە نافەرمیەکان ئەوەش بەمەبەستی ڕێگری کردن لە قاچاخ.
سەرچاوە: مەدار
کۆدی هەواڵنێر: 60113
Your Comment