بەپێی هەواڵی کوردپرێس "نەورۆز ئەحمەد" فەرماندەی گشتیی هێزەکانی پاراستنی ژنان (YPJ) ئاماژەی بە دەوری سەرەکیی ژنانی شەڕڤان لە شەڕی 8 ساڵی ڕابردووی دژبەداعش کردووە و بە کوردپرێسی وتووە: "ژنانی شەڕڤان شان بە شانی پیاوەکان لەسەنگەری شەڕدا ئامادە بوون و هەرگیز پاشەکشەیان کردووە و بەردەوام بەشێک بوون لە هێزە سەرەکییەکانی شەڕی دژبە داعش.

ناوبراو بە هەواڵنێری کوردپرێسی وتووە ژنانی کورد سەلماندیان کە لە شکست‌پێهێنانی داعشدا پێشەنگن و نموونەکەشی ئەوە بوو کە ئوپەراسیۆنی ڕەقەش و ئوپەراسیۆنی گەردەلوولی جزیرەش بە ژنانی شەڕڤان فەرماندەیی دەکرا.

نەورۆز ئەحمەد ئەوەشی زیاد کرد: لە ماوەی 8 ساڵی ڕابردوودا 752 شەڕڤانی ژن لە شەڕی دژبە داعشدا گیانی خۆیان لە دەست داوە و نزیکەی 600 ژن و منداڵی ئێزدیشیان لە چنگی داعش ڕزگار کردووە.

فەرماندەی گشتیی ژنانی شەڕڤان ئاشکراشی کرد: ئەمڕۆکە ژنان لە هەموو ئاستێکی سەرکردایەتیدا بوونی بەرچاویان هەیە جگە لە چالاکیی سەربازی لە باری ئایدیالۆجی و هزریشەوە خۆیان بەهێز کردووە.

کۆدی هەواڵنێر: 60101