کوردپرێس:

نووسینگەی راگەیاندنی سەرۆکایەتیی کۆماری عێراق بڵاوی کردەوە، لەمیانی دیدارەکەدا بەرھەم ساڵح ئاماژەی بە سیاسەتی عێراق کرد لە دروستکردنی پەیوەندیی دۆستانە لەگەڵ سەرجەم وڵاتان لەسەر بنەمای پاراستنی بەرژەوەندییە ھاوبەشەکان و وەلانانی ناکۆکی و گرژییەکان، ھەروەھا باسی لەوە کردوە، عێراق دوای سەرکەوتن بەسەر تیرۆردا رۆڵی بەرچاوی خۆی لە ناوچەکەدا دەگێرێت.

ئاماژە بەوەش کراوە، بەرھەم ساڵح جەختی لە گرنگیی بەرزکردنەوەی ئاستی پەیوەندییەکانی نێوان پەرلەمانی ھەردوو وڵات کرد لە رێگای گفتوگۆ و ئاڵۆگۆڕکردنی بیرورا کە خزمەت بە بەرژەوەندییەکانی ھەردوو وڵات بکات.

دواتر سەرۆکی ئەنجومەنی نوێنەرانی لوبنان پەیوەندییەکانی نێوان عێراق و لوبنانی بەرز نرخاند و ئاماژەی بەوە کرد، عێراق بەیەکڕیزیی گەلەکەی و سەرکەوتنی بەسەر داعش و دەربازبوونی لە سەخترین مەترسی بووە سومبولێکی گەورە لە ناوچەکەدا.

کۆدی هەواڵنێر: 60101