بەپێی هەواڵی کوردپرێس، جەمشید مەشایخی چەند ڕۆژ لەمەوبەر بەهۆی نەخۆشی لە نەخۆشخانەیێکی تاران خەوێندرایە و سەرەنجام دوێنێ سێشەممە لە تەمەنی 85 ساڵیدا کۆچی دوایی کرد.

مەشایخی ساڵی 1313 لە شاری تاران لەدایک بووە و ساڵی 1342 بۆ یەکەم جار لە فیلمی (بەرگی مار)دا دەوری بینیوە، بەڵام ڕۆڵی (خان دایی) لە فیلمی "کۆشک" لە دەرهێنانی "مەسعوود کیمیایی" جەمیشد مەشایخی وەک ئەکتەرێکی خاوەن پێگەی سینەمای ئێران ناساند.

جەمشید مەشایخی لە شەشەمین خولی سیما هەرمانەکانی سینەمای ئێران، هەڵبژیردرا و ساڵی 2006 لە پاریس لەبەر پێنج دەیە چالاکی لە بواری سینەما خەڵاتی ڕێزلێنانی پێشکەش کرا.

مەشایەخی پاش شۆڕشی گەلانی ئێران دەوری لە سینەمای ئێراندا زیاتر بوو و لەو ماوەیەدا لە دەیان فیلمی ناوداری سینەمایی و درامادا دەوری سەرەکیی گێڕا.

کۆدی هەواڵنێر: 60113