به‌پێی هه‌واڵی کوردپرێس، زانیارییه‌کان باس له‌وه‌ ده‌کات که‌ کاتژمێر 24:00ی سه‌رله‌به‌یانیی ئه‌مڕۆ شه‌ممه‌ 30ی ئاداری 2019 ده‌نگی ته‌قینه‌وه‌ی بۆمب له‌ سێ ناوچه‌ی جۆراوجۆری سووری سه‌ر به‌ پارێزگای دیاربه‌کر بیستراوه‌ و ده‌وترێت چه‌ندین که‌سی نه‌ناسراو به‌ بۆمبی ده‌ستکرده‌وه‌ ئه‌و هێرشانه‌یان ئه‌نجام داوه‌.

هه‌واڵه‌کان باس له‌وه‌ ده‌کات که‌ چه‌ندین که‌سی نه‌ناسراو بۆمبیان له‌ ناوه‌ندێکی پۆلیس، فرۆشگه و وێستگه‌ی پاس له‌ پارێزگای دیاربه‌کر چاندوووه‌ و دواتر بۆمبه‌کان ته‌قێنراوه‌نه‌ته‌وه‌ که‌ ئه‌و هێرشانه‌ کوژراو و بریندارێکی لێنه‌که‌وتۆته‌وه‌ به‌ڵام زه‌ره‌رێکی ماددی زۆری لێکه‌وتۆته‌وه‌.

به‌ دوای ئه‌و هێرشانه‌ هێزی تایبه‌ت ڕه‌وانه‌ی ناوچه‌که‌ کراوه‌ و ڕێوشوێنی توندی ئه‌منی گیراوه‌ته‌به‌ر و پۆلیسی دیاربه‌کریش ئۆپه‌راسیۆنێکی به‌رفراوانی بۆ ده‌ستگیرکردنی ئه‌نجامده‌رانی ئه‌و هێرشه‌ ده‌ست پێکردوووه‌.

سه‌رچاوه‌: ڕۆژنامه‌ی جمهوورییه‌ت

کۆدی هه‌واڵنێر: 60103