به‌پێی هه‌واڵی کوردپرێس، هاوپه‌یمانیی نێوده‌وڵه‌تی که ئه‌مه‌ریکا سه‌رۆکایه‌تی ده‌کات له به‌یاننامه‌یێکدا ڕای‌گه‌یاندوووه: له سه‌ره‌تای پرۆسه‌ی هێرشی ئاسمانی بۆ سه‌ر چه‌کدارانی داعش له عێراق و سووریا له ئابی 2014 و تا مانگی شوباتی ئه‌مساڵ 34 هه‌زار هێرشی ئاسمانی ئه‌نجام دراوه.
وه‌ک له به‌یاننامه‌که‌دا هاتوووه؛ به‌هۆی هێرشه ئاسمانییه‌کانه‌وه بۆ سه‌ر چه‌کدارانی ڕێکخراوی داعش له عێراق و سووریا 1250 هاووڵاتی مه‌ده‌نی له‌و دوو وڵاته "بێ مه‌به‌ست و به هه‌ڵه کوژراون".
هاوپه‌یمانیی نێوده‌وڵه‌تی جه‌ختی کردوووه‌ته‌وه له‌سه‌ر "هه‌وڵه به‌رده‌وامه‌کانیان بۆ وردبینی کردن و به‌رنامه بۆداڕێژراو له کاتی ئه‌نجامدانی هێرشه‌کانیان بۆ که‌مکردنه‌وه‌ی کاریگه‌ری و زیان له‌سه‌ر هاووڵاتییانی مه‌ده‌نی و شوێنی نیشته‌جێبوونیان."
له‌لایێکی دیکه‌وه ڕێکخراوی "ئایرواز" که ڕێکخراوێکی ناحکومیه و کار له‌سه‌ر به‌دواداچوون و ئه‌رشیف کردنی پاشماوه‌ی کرده‌وه سه‌ربازییه نێوده‌وڵه‌تییه‌کان و قوربانییانی مه‌ده‌نی ده‌کات، پێشتر ئاشکرای کردبوو که به‌هۆی هێرشه ئاسمانییه‌کانی هاوپه‌یمانانه‌وه حه‌وت هه‌زار و 595 مه‌ده‌نی کوژراون.
کۆدی هه‌واڵنێر: 60103
Your Comment