به‌پێی هه‌واڵی کوردپرێس، مه‌ریوان جه‌لال به‌رپرسی مه‌كته‌بی ڕاگه‌یاندنی لقی كه‌ركووكی پارتی به‌ (باسنیووز)ی ڕاگه‌یاند: "له‌گه‌ڵ یه‌كێتیی نیشتمانی کوردستان ڕێككه‌وتنێكی مه‌بده‌ئی هه‌یه‌ له‌سه‌ر دۆخی كه‌ركووک و چ كاتێک پارتی و یه‌كێتی له‌سه‌ر پێكهێنانی حكوومه‌تی هه‌رێم ڕێكبكه‌ون ئه‌وكاته‌ كار ده‌كرێت بۆ ڕێككه‌وتنه‌كه‌ی دیكه‌ كه‌ بۆ ئاسایی كردنه‌وه‌ی دۆخی كه‌ركووكه‌."

ناوبراو گوتیشی: "پارتی و یه‌كێتی پێكه‌وه‌ لێژنه‌یان بۆ ئاسایی کردنه‌وه‌ی دۆخی که‌رکووک ده‌ڕواته‌ به‌غدا و له‌گه‌ڵ حكوومه‌تی عێراقی ده‌كه‌ونه‌ گفتوگۆوه‌".

مه‌ریوان جه‌لال باسی له‌وه‌ کرد: "پارتی به‌ به‌رده‌وامی كاری كردوووه‌ و ئێستاش له‌ هه‌وڵدایه‌ بۆ ئاسایی كردنه‌وه‌ی دۆخی كه‌ركووک و مه‌رجی پارتیشی ڕوونه‌ له‌سه‌ر دۆخی كه‌ركووک كه‌ بریتییه‌ له‌وه‌ی كۆتایی به ‌ده‌سه‌ڵاتی سه‌ربازی له‌ شاره‌كه‌ بهێنرێت و شه‌رعییه‌ت و یاسا بۆ داموده‌زگا مه‌ده‌نییه‌كان بگه‌ڕێته‌وه‌".

کۆدی هه‌واڵنێر: 60103