به‌پێی هه‌واڵی کوردپرێس، سه‌زایی ته‌مه‌لی هاوسه‌رۆکی پارتی دیموکراتی گه‌لان (HDP) ئاماژه‌ به‌ ڕکابه‌ریی قورسی هه‌ڵبژاردن له‌ شاره‌کانی ئه‌سته‌نبۆڵ و ئه‌نقه‌ره‌ له‌ نێوان کاندیدی حیزبه‌ سیاسییه‌کانی ئه‌و وڵاته‌ ده‌کات و ده‌ڵێت: ئه‌گه‌ر مه‌نسوور یاواش کاندیدی پارتی کۆماریخوازی گه‌ل (CHP) له‌ ئه‌نقه‌ره‌ سه‌ربکه‌وێت ده‌بێ ئه‌وه‌ بزانێت که‌ ده‌نگی لایه‌نگرانی HDP هۆکاری سه‌رکه‌وتنه‌که‌ی بوووه‌ و ئه‌گه‌ر ئه‌کره‌م ئیمام ئۆغڵۆ له‌ ئه‌سته‌نبۆڵ سه‌رکه‌وتن وه‌ده‌ست بێنێت ئه‌ویش بزانێت که‌ ده‌نگدانی 3 ملیۆن هاووڵاتیی کوردی دانیشتووی ئه‌سته‌نبۆڵ هۆکاری سه‌رکه‌وتنی بوووه‌.

ناوبراو گوتیشی: مه‌نسوور یاواش کاندیده‌که‌ی CHP له‌ ئه‌نقه‌ره‌ به‌ نادیده‌گرتنی کورد، لایه‌نگرانی HDP و نادیده‌گرتنی هاووڵاتییانی ئه‌نقه‌ره‌ ناتوانێت سیاسه‌ت به‌ره‌وپێشه‌وه‌ ببات. ئه‌مه‌ ڕاستییه‌. هه‌روه‌ها ئه‌کره‌م ئیمام ئۆغڵۆش له‌ ئه‌سته‌نبۆڵ ئه‌گه‌ر سه‌رکه‌وتن به‌ده‌ست بهێنێت ناتوانێت به‌ بێ نادیده‌گرتنی کورد کارێک بکات و ئه‌گه‌ر سیاسه‌ت به‌ بێ له‌به‌رچاوگرتنی کورد به‌ڕێوه‌ ببات ئه‌نجامێکی به‌دواوه‌ نابێت.

سه‌رچاوه‌: ڕۆژنامه‌ی بیرگون

کۆدی هه‌واڵنێر: 60103