به‌پێی هه‌واڵی کوردپرێس، ئه‌مڕۆ سێشه‌ممه عه‌بدوڵڵا ئاكره‌یی به‌ڕێوه‌به‌ری گشتیی په‌یوه‌ندیه‌كانی نێوان كۆماری ئیسلامیی ئێران و هه‌رێمی كوردستان به ماڵپه‌ڕی فه‌رمیی پارتی دیموكراتی كوردستانی ڕاگه‌یاند: ئێران ئاماده‌ییی نیشان داوه بۆ هه‌ڵگرتنی ڤیزا له نێوان عێراق و ئێران به‌ڵام هه‌ركات بڕیاره‌كه كه‌وته بواری جێبه‌جێ كردنه‌وه ئه‌وا هه‌رێمی كوردستانیش پابه‌ندیی ڕێككه‌وتنه‌كه ده‌بێت.
ئاكره‌یی پێی وایه هه‌ڵگرتنی ئه‌و ڤیزایه‌ش به چه‌ند قۆناغێک ده‌بێت و هه‌روه‌ها هۆكاری ئاماده‌نه‌بوونی عێراق بۆ هه‌ڵگرتنی ڤیزا بۆ بارودۆخی عێراق ده‌گه‌ڕێنێته‌وه چوونكه عێراق ئه‌و ئاماده‌كارییه‌ی نییه بۆ هه‌ڵگرتنی ڤیزا له‌به‌ر ئه‌وه‌ی به هه‌ڵگرتنی ڤیزا له نێوان عێراق و ئێراندا ژماره‌یێكی زۆر له گه‌شتیارانی ئێرانی دێنه عێراق و ئه‌وانیش ئه‌و ئاماده‌كارییه‌یان بۆ هاتنی گه‌شتیاران نییه.
ناوبراو ئاماژه‌ی به‌وه‌ش كرد که هه‌رێمی كوردستان له‌و ڕووه‌وه ئاماده‌یه و ساڵانه گه‌شتیارێكی زۆری ئێرانی دێنه هه‌رێمی كوردستان و ئێستاش ڤیزای ئێران ته‌نیا بۆ ئه‌و كه‌سانه هه‌ڵگیراوه كه پاسپۆرتی دیپلۆماسییان پێیه و ڕه‌نگه له ماوه‌یێكی نزیكیشدا هه‌ردوولا ڕێككه‌ون كه ڤیزا له نێوان ئه‌و دوو وڵاته‌دا نه‌مێنێت.
کۆدی هه‌واڵنێر: 60103
Your Comment