کوردپرێس:

کۆمپانیای دانەغاز و کۆنسرسیۆم پرێل گرێبەستێکیان بۆ پەرەپێدانی کێڵگە نەوتییەکانی هەرێم واژۆ کردووە و ئەو کۆمپانیایەش ڕایگەیاندووە کاریگەریی ئەو ڕێککەوتننامەیە لە 2021ەوە ئاشکرا دەبێت.

کۆمپانیای دانەغاز گەورەترین کۆمپانیای سەرمایەدانەری هەرێمی کوردستانە و ڕۆژنامەی ئەلێکترۆنیی نەشناڵی ئیمارات ڕاپۆرتێکی پێشکەش کردووە و ڕایگەیاندووە پاتریک ئێلمانواردبەڕێوەبەری کۆمپانیای دانەغاز وتوویەتی چاوەڕوان دەکات ئەو سەرمایەی لە کێڵگە نەوتییەکانی هەرێمی کوردستان دایناوە لە 175 بۆ 200 ملوێن دۆلار قازانج دەستی کۆمپانیاکە بخات.

کۆمپانیای دانەغاز و کۆنسرسیۆم لە دوو کێڵگەی نەوتی خورموور و چەمچەماڵ 700 ملوێن دۆلار سەرمایەیان داناوە. ئەو دوو کۆمپانیایە چاوەڕوان دەکەن ڕێژەی بەرهەمهێنانی غازی سروشتی لەو دوو کێڵگە نەوتییە سەدا 63 واتا 250 ملوێن فووتی سێجا لە ڕۆژدا زیاد بکات و تاساڵی 2022 ڕێژەی غازی بەرهەمهێنراو لە هەرێمی کوردستان ڕۆژانە بگاتە 900 ملوێن فووتی سێجا.

بە گوێرەی ئەو ڕاپۆرتە تا ئێستا زیاتر لە یەک ملیار و 300 ملوێن دۆلار سەرمایە بۆ کەرتی غازی سروشتی لە هەرێمی کوردستان تەرخان کراوە.