به‌پێی هه‌واڵی کوردپرێس، ئه‌مڕۆ دووشه‌ممه 11ی ئاداری 2019 ئه‌نجومه‌نى باڵاى دادوه‌ریى عێراق له به‌یاننامه‌یێكدا ئاماژه‌ی به‌وه كردوووه که له‌لایه‌ن دادگاى لێكۆڵینه‌وه‌ى كه‌رخ تایبه‌ت به كه‌یسه‌كانى تیرۆر و به‌پێى یاساى به‌ره‌نگاربوونه‌وه‌ى تیرۆر، لێكۆڵینه‌وه له‌گه‌ڵ ئه‌و 14 چه‌كداره فه‌ڕه‌نسییه ده‌ستی پێكردوووه.
له به‌یاننامه‌که‌دا ڕوونیش کراوه‌ته‌وه که یه‌کێک له‌و چه‌كدارانه‌ى داعش پێشتر و له ساڵى 2009 له ڕیزى سوپاى فه‌ڕه‌نسا له ئه‌فغانستان خزمه‌تى كردوووه و هه‌ندێكیشیان به ڕه‌گه‌ز خه‌ڵكی وڵاتانى عه‌ره‌بین.
ئه‌و 14 چه‌كداره فه‌ڕه‌نسیه‌ى ڕێكخراوى داعش له‌لایه‌ن هێزه‌كانى سووریاى دیموكراتیک "هه‌سه‌ده"وه له سووریا ده‌ستگیر كراون و دواتر له‌گه‌ڵ سه‌دان چه‌كدارى دیكه‌ی ئه‌و ڕێكخراوه‌یه ڕاده‌ستى عێراق كران.
سه‌رچاوه: میدیاکانی هه‌رێمی کوردستان
کۆدی هه‌واڵنێر: 60103
Your Comment