بەپێی هەواڵی کوردپرێس، حەسەن ڕۆحانی لە وەڵامی بانگهێشتی فەرمیی بەرهەم ساڵح سەرۆک کۆماری عێراق و عادل عەبدولمەهدی سەرۆک وەزیرانی عێراق بەرەبەیانیی دووشەممە بە یاوەریی شاندێکی باڵای بازرگانی و سیاسی لە تارانەوە بۆ بەغدا بەڕێکەوت.
دانووسان لەگەڵ سەرۆک کۆمار و سەرۆک وەزیرانی عێراق لەبارەی پێوەندییەکانی نێوان دوو وڵات و هاوکارییە ناوچەییەکان، دیدار و گفتوگۆ لەگەڵ سەرۆک و نوێنەری پەرلەمانی عێراق، ئامادەبوون لە کۆڕبەندی ئابووریی بە ئامادەبوونی کەرتی تایبەت و دەوڵەتیی ئێران و عێراق هەروەها دیدار و گفتوگۆ لەگەڵ بەرپرسانی دیکەی باڵای عێراقی لە بەرنامەکانی سێ ڕۆژەی سەرۆک کۆماری ئێران لە عێراقە.
هەروەها بڕیار وایە ڕۆحانی لەگەڵ ئایەتوڵڵا سیستانی مەرجەعی باڵای شیعە کۆ ببێتەوە.
لەم سەفەرەدا وەزیرانی ڕێگا و بان و پیشەسازی و بازرگانی و سەرۆکی بانکی ناوەندیی ئێران هاوڕێی ڕۆحانی دەبن.
کۆدی هەواڵنێر: 60113
Your Comment