کوردپرێس:

سامر غەزبان کە هاوکات جێگرى سەرۆک وەزیرانى عێراقە بۆ کاروبارى وزە ڕایگەیاند، لە ڕۆژانى داهاتوودا هەوڵەکان چڕ دەبنەوە بۆ کۆبوونەوەى بەرپرسانى هەرێم و بەغدا لەسەر پرسى نەوت.

ناوبراو ڕاشیگەیاند، تا ئێستا هیچ گفتوگۆیێک لە نێوان هەرێم و بەغدا نەکراوە ئەوەش بەهۆى سەرقاڵیى ناوەند بۆ تەواوکردنى کابینەى عەبدولمەهدى و لە هەرێمیش دواکەوتنى پێکهێنانى حکوومەتى نوێ.

غەزبان ڕوونیشی کردەوە، بەپێى بڕگەیێکى یاساى بودجەى گشتیى عێراق دەبێت هەرێم ڕۆژانە ٢٥٠ هەزار بەرمیل نەوت ڕادەستى عێراق بکات، لەکاتێکدا ڕۆژانە زیاتر لە ٤٠٠ هەزار بەرمیل نەوت بەرهەم دەهێنێت.

*لە تەلەڤزیۆنی ئێن ئاڕ تی وەرگیراوە