کوردپرێس:

لوی خەتیب وەزیری کارەبای عێراق ڕۆژی شەممە 9ی ئاداری 2019 لە تۆڕی کۆمەڵایەتیی تویتەر پەیامێکی بڵاو کردەوە و نووسیی: لەگەڵ فەرمانبەرانی وەزارەتی کارەبا و بەگوێرەی ئەو خشتەیەی لە پڕۆژەیاسای بودجەی 2019 هاتووە بەردەوامین لە جێبەجێ کردنی پڕۆژەکان بۆ ساڵی 2019ی زایینی.

خەتیب لە پەیامەکەیدا ئەوەشی زیاد کردووە کە بەردەوام لەهەوڵدان بۆ ئەوەی هاوینی 2019 هاوینێکی باشتر لە ساڵی پار بێت و چارەکردنی کێشەی کارەباش بەرەبەرە مومکین دەبێت و پێ دەچێت تا کۆتاییی ئەم خولەی حکوومەتی فیدراڵ کێشەکە چارەسەر بکرێت.