بەپێی هەواڵی کوردپرێس، لە دیدارەكەدا وەزیری پیشەسازی و بازرگانیی ئۆردن وێڕای ئاماژەدان بە پەیوەندییە مێژوویيەكانی نێوان هەردوولا، جەختی لە پەرەپێدانی پەیوەندییەكانی نێوان هەرێمی كوردستان و شانشینی ئوردن كردەوە.
ناوبراو هەروەها پێزانینیشی هەبوو بۆ ئەو سەقامگیری و پێكەوەژیانەی لە كوردستاندا هەیە و بە هۆكاری پێشكەوتن و ئاییندەیەكی باشی، لە قەڵەم دا.
لای خۆیەوە بارزانی سوپاسی پادشای ئوردنی كرد و بە دۆست و برای خۆی وه‌سفی كرد، هەروەها پێزانینی هەبوو بۆ هەڵوێستەكانی پادشای ئوردن لە بەرانبەر گەلی كوردستان.
هەر لەو كۆبوونەوەیەدا بارودۆخی سیاسیی عێراق و هەرێمی كوردستان و ڕووبەڕووبوونەوەی هزری توندڕۆیی و تیرۆر، تاوتوێ كرا.
پەرەپێدانی پەیوەندییەكانی نێوان هەرێمی كوردستان و شانشینی ئوردن تەوەرێكی دیكەی ئەو دیدارە بوو.
کۆدی هەواڵنێر: 60113
Your Comment