به‌پێی هه‌واڵی کوردپرێس، وه‌زاره‌تی به‌رگریی ڕووسیا له به‌یاننامه‌یێكدا ڕای‌گه‌یاندوووه كه چه‌ند ڕۆژێک له‌مه‌وبه‌ر له ڕێی مانگه ده‌ستكرده‌كانیانه‌وه وێنه‌ی دۆخی ڕاسته‌قینه‌ی ژیانی ئاواره‌كانی كه‌مپی ڕه‌كبانیان تۆمار كردوووه.
له به‌یاننامه‌که‌دا هاتوووه که زۆرینه‌ی یه‌كه‌ی نیشته‌جێبوونه‌كانی ناو كه‌مپه‌كه له چادر و خه‌یمه پێكهاتوون و بۆ ماوه‌یێكی كاتی بنیاتنراون و شیاو نین بۆ ژیانی ئاواره‌كان له وه‌رزی زستاندا و ئه‌وه‌ش ئاشكرا بوووه كه ته‌ندروستیی ئاواره‌كان له دۆخێكی خراپدایه.
وه‌زاره‌تی به‌رگریی ڕووسیا ئاماژه‌ی به‌وه‌ش كردوووه كه مانگه ده‌ستكرده‌كان به هه‌مان شێوه گۆڕێكی نوێی به‌كۆمه‌ڵیان دۆزیوه‌ته‌وه كه ته‌رمی 300 كه‌سی تێدا بوووه و كه‌وتوووه‌ته به‌شی باشوور له ده‌ره‌وه‌ی كه‌مپی ڕه‌كبان.
کۆدی هه‌واڵنێر: 60103
Your Comment